មន្ទីរសាធារណការខេត្តកណ្តាល កំពុងចាត់វិធានការស្រាវជ្រាវលើ ករណីអនុប្រធានការិយាល័យនៃមន្ទីរសាធារណការខេត្តកណ្តាល ដែលអង្គុយលើកជើងដាក់លើតុក្នុងម៉ោងការងារ

កណ្តាល៖ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូនបានអោយដឹង នៅរសៀលថ្ងៃ២ខែធ្នូនេះថា មន្ទីរសាធារណការខេត្តកណ្តាល កំពុងចាត់វិធានការស្រាវជ្រាវលើ ករណីអនុប្រធានការិយាល័យនៃមន្ទីរសាធារណការខេត្តកណ្តាល ដែលអង្គុយលើកជើងដាក់លើតុក្នុងម៉ោងការងារ។ ជាមួយគ្នា អ្នកនាំពាក្យរូបនេះ អះអាងថា មន្ទីរសាធារណការខេត្តកណ្តាល នឹងចេញសេចក្ដីប្រកាសព័ត៌មានផ្លូវការ ជុំវិញរឿងនេះ។ សូមជម្រាបថា អ្នកប្រើប្រាស់បណ្តាញសង្គម នាំគ្នារិះគន់ ក្រោយឃើញវីដេអូខ្លី បង្ហាញពីមន្រ្តីរូបនេះអង្គុយដាក់ជើងលើតុការងារ និងចាត់ទុកថា ជាឥរិយាបថមិនសមរម្យក្នុងនាមជាមន្រ្តី៕ដោយ៖ សិរី នាគ