បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះបានឲ្យដឹងថា ប្រធានាធិបតីអាមេរិក លោក Donald Trump បាននិយាយកាលពីថ្ងៃព្រហស្បតិ៍ថា អ៊ីរ៉ង់មានពេលពី ១០ ទៅ ១៥ ថ្ងៃដើម្បីឈានដល់កិច្ចព្រមព្រៀង ស្តីពីកម្មវិធីនុយក្លេអ៊ែររបស់ខ្លួន បើមិនដូច្នេះទេ ពិតជារឿងអាក្រក់ នឹងកើតឡើង។
លោកប្រធានាធិបតីបានប្រាប់អ្នកយកព័ត៌មាននៅលើយន្តហោះ Air Force One ថា ៖ខ្ញុំគិតថាវាគ្រប់គ្រាន់ហើយ ។លោក Trump បាននិយាយថា ៖យើងនឹងទទួលបានកិច្ចព្រមព្រៀងមួយ ឬវានឹងជាអកុសលសម្រាប់ពួកគេ ។
កាលពីព្រឹកថ្ងៃព្រហស្បតិ៍ លោក Trump បាននិយាយនៅ ក្នុងកិច្ចប្រជុំបើកសម្ពោធនៃ “ក្រុមប្រឹក្សាសន្តិភាព” ថា លទ្ធផល នៃកិច្ចចរចានុយក្លេអ៊ែរ រវាងសហរដ្ឋអាមេរិក និងអ៊ីរ៉ង់ នឹងត្រូវបានសម្រេចក្នុងរយៈពេល១០ថ្ងៃខាងមុខ ដោយបានហៅអ៊ីរ៉ង់ថា ចំណុចក្តៅនៅពេលនេះ ។
អនុប្រធានាធិបតីសហរដ្ឋអាមេរិក លោក JD Vance បាននិយាយថា ជុំទីពីរនៃកិច្ចចរចារវាងសហរដ្ឋអាមេរិក និងអ៊ីរ៉ង់នៅទីក្រុងហ្សឺណែវ កាលពីថ្ងៃអង្គារបានបង្ហាញពី “សញ្ញាវិជ្ជមាន” មួយចំនួន ប៉ុន្តែបន្ទាត់ក្រហមសំខាន់ៗរបស់សហរដ្ឋអាមេរិកនៅតែមិនទាន់សម្រេចបាននៅឡើយ។
យោងតាមការចេញផ្សាយរបស់កាសែត Axios បានរាយការណ៍កាលពីថ្ងៃអង្គារថាទីប្រឹក្សា Trump បានប៉ាន់ប្រមាណ ឱកាស ៩០ភាគរយ នៃការវាយប្រហារក្នុងរយៈពេលប៉ុន្មាន សប្តាហ៍ខាងមុខប្រសិនបើការពិភាក្សាបរាជ័យ៕
