រាជធានីភ្នំពេញ÷ អង្គភាពប្រឆាំងអំពើពុករលួយ (ACU) ឃាត់ខ្លួនមនុស្សចំនួន ៣នាក់ និងបានបញ្ជូនសំណុំរឿងទៅសាលាដំបូងរាជធានីភ្នំពេញ ដើម្បីចាត់វិធានការតាមផ្លូវច្បាប់ ពាក់ព័ន្ធនឹងករណី : (ជាប់សង្ស័យពីបទ រំលោភអំណាច, មានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ និងបំណុល និងសមគំនិតក្នុងអំពើរំលោភអំណាច)។
លោក សយ ច័ន្ទវិចិត្រ អ្នកនាំពាក្យអង្គភាពប្រឆាំងអំពើពុករលួយ បានប្រាប់បណ្តាញសារព័ត៌មាន នៅរសៀលថ្ងៃទី១៨ ខែមីនា នេះថា : កាលពីថ្ងៃទី១៦ ខែមីនា ឆ្នាំ២០២៦ អង្គភាពប្រឆាំងអំពើពុករលួយ បានបញ្ជូនសំណុំរឿង ដែលមានជនសង្ស័យ ៣រូប មានដូចជា ÷
១. ឈ្មោះ ជឹម អូន ភេទប្រុស អាយុ៣៨ ឆ្នាំ ជាមន្រ្តីនាយកដ្ឋានស៊ើបអង្គេត និងចារកម្ម នៃអង្គភាពប្រឆាំងអំពើពុករលួយ ជាប់សង្ស័យពីបទ: (រំលោភអំណាច ,មានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ និងបំណុល)។
២. ឈ្មោះ ជឹម សុខជឿន ភេទប្រុស អាយុ៣២ ឆ្នាំ ជាជំនួយការ ឈ្មោះ ជឹម អូន ជាប់សង្ស័យពីបទ : (សមគំនិតក្នុងអំពើរំលោភអំណាច) ។
៣/. ឈ្មោះ ភេន រចនា ភេទស្រី អាយុ៣៦ ឆ្នាំ អតីតមន្រ្តីជាប់កិច្ចសន្យា នៃនាយកដ្ឋានរដ្ឋបាលនិងហិរញ្ញវត្ថុ នៃអង្គភាពប្រឆាំងអំពើពុករលួយ ជាប់សង្ស័យពីបទ : (សមគំនិតក្នុងអំពើរំលោភអំណាច) ។
សូមបញ្ជាក់ថា មនុស្សប្រុស-ស្រីទាំង ៣នាក់ ត្រូវបានអង្គភាពប្រឆាំងអំពើអំពើរពុករលួយបញ្ជូនទៅតុលាការ ដើម្បីចាត់ការតាមនីតិវិធីច្បាប់ រួចហើយ៕
