ខេត្តកោះកុង៖នៅថ្ងៃទី១៧និងទី១៨ខែ១២ឆ្នាំ២០២៥ថ្មីៗនេះមានសេចក្តីរាយការមកពីប្រជាពលរដ្ឋអ្នករកស៊ីប្រកបរបរនេសាទ ឲ្យដឹងថា មានសាឡងបូមខ្សាច់ខ្នាតធំៗជាច្រើនគ្រឿង កុំពុងបូមខ្សាច់នៅចំណុចខាងជើងកោះមួយមិនឆ្ងាយប៉ុន្មានពីសមុត្រមាត់ពាមចូលមកព្រែកស្រែអំបិលបើគិតពីការធ្វើដំណើរតាមផ្លូវទឹកពីសមុត្រចូលមកតាមបណ្តោយព្រែកស្រែអំបិលបន្តិចឃើញមានកោះមួយ គឺសាឡង់កុំពុងបូមខ្សាច់នោះនៅខាងឆ្វេងដៃ បាននៃថាខាងជើងកោះនោះ។
ពលរដ្ឋបន្តថា ការបូមខ្សាច់ទ្រុងទ្រាយធំបែបនេះ មិនដឹងថាប្រើឧបករណ៍សម្ភារៈបូមខ្សាច់នេះស្របតាមទម្រង់បច្ចេកទេសនៃច្បាប់បានកំណត់ដែរឬទេហើយពលរដ្ឋតែងសង្កេតឃើញថា ការបូមខ្សាច់ដាក់សាឡង់ដឹកចេញឆ្ពស់ទៅសមុត្រនេះមិនដឹងជាបូមត្រូវចំកន្លែងអាជ្ញាប័ណ្ណដែលមន្ទីរក្រសួងរ៉ែ កំណត់ ទីតាំងឲ្យធ្វើអាជីវកម្មដែរឬយ៉ាងណាទេ បើឃើញពេលខ្លះបើកទៅបូមចំនេះម្តងបើកទៅនោះដែលរយ:ប្រវែងកំលៀតឆ្ងាយៗពីគ្នាផងដែរ។
ពាក់ព័ន្ធនឹងករណីខាងលើក្រុមការងារយើងពុំទាន់អាចសុំការបកស្រាយបំភ្លឺពីអាជ្ញាធរឬសមត្ថកិច្ចជំនាញដែលពាក់ព័ន្ធ ព្រមទាំងអាជីវកម្មបាននៅឡើយទេ ព្រោះគ្មានលេខទូរស័ព្ទទំនាក់ទំនងហើយអង្គភាពយើងនិងរង់ចាំការបកស្រាយបំភ្លឺពីគ្រប់សមីក្រសួងអាជ្ញាធរព្រមទាំងម្ចាស់ជីវកម្មរៀងរាល់ម៉ោងធ្វើការ៕
