ភ្នំពេញ៖លោកឧត្ដមសេនីយ៍ទោ គង់ វុទ្ធី អគ្គនាយករងនៃអគ្គនាយកដ្ឋានអត្តសញ្ញាណកម្ម ដែលផ្ទុះរឿងអាស្រូវឆបោកប្រាក់២លានដុល្លារ នៅពេលនេះ ត្រូវបានឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្រេចផ្អាកការងារបណ្តោះអាសន្ន ដើម្បីបន្តដំណើរការស្រាវជ្រាវបន្ថែម ។ ។
នេះបើយោងតាមប្រកាសរបស់រដ្ឋមន្ត្រីក្រសួងមហាផ្ទៃ កាលពីថ្ងៃទី៩ ខែធ្នូ ឆ្នាំ២០២៥ កន្លងទៅ ដែលអង្គភាពសារព័ត៌មាន កម្ពុជាឈ្នះ ទើបតែទទួលបាននៅរសៀលថ្ងៃទី២១ ខែមករា ឆ្នាំ២០២៦ នេះ ។
សូមរំលឹកថា លោក គង់ វុទ្ធី ត្រូវបានបកអាក្រាត ថា បានឆបោកលុយរហូតដល់ទៅចំនួន២លានដុល្លារអាម៉េរិក តាមរយៈការរត់ការការងារតែមិនបានសម្រេច ហើយក៏មិនប្រគល់ប្រាក់ឱ្យគេវិញដែរ ទើបកើតជារឿងប្តឹងផ្តល់ មានប្រកាសផ្អាកការងារបណ្តោះអាសន្នជា តែម្តង ។
សំណុំរឿង លោក គង់ វុទ្ធី មិនបញ្ចប់ត្រឹមនេះទេ ដោយតាមប្រភពព័ត៌មានច្បាស់ការណ៍ អះអាងថា រឿងនេះត្រូវបានបញ្ជូនស៊ើបអង្កេតនៅនាយកដ្ឋាននគរបាលព្រហ្មទណ្ឌ ។
តើនៅថ្ងៃខាងមុខ លោក គង់ វុទ្ធី អាចត្រូវបណ្តេញចេញពីក្របខណ្ឌមន្ត្រីនគរបាលជាតិ ឬ ត្រូវជាប់ពន្ធនាគារ ដែរឬទេ ? សូមបងប្អូនបន្តតាមដានទាំងអស់គ្នា ៕
