ខេត្តកោះកុង៖ នៅរសៀលថ្ងៃទី ០១ ខែកុម្ភៈ ឆ្នាំ២០២៦ លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង បានកោះហៅ លោកអធិការ និងអធិការរងនគរបាលស្រុកស្រែអំបិល មកសួរនាំបញ្ហាមួយចំនួន ពាក់ព័ន្ធករណីមិនប្រក្រតី ក្នុងការចុះប្រតិបត្តិការ នៅស្រុកស្រែអំបិលនាពេលកន្លងមក។
លោកឧត្ដមសេនីយ៍ស្នងការមានមតិណែនាំ ដល់លោកអធិការ អធិការរងស្រុកស្រែអំបិល អោយយកចិត្តទុកដាក់ខ្ពស់ ក្នុងការអនុវត្ត អោយបានម៉ឺងម៉ាត់ នៅតួនាទី និងភារកិច្ចរបស់ខ្លួន ក្រោមការចង្អុលដឹកនាំដ៏ខ្ពង់ខ្ពស់របស់ ឯកឧត្តមនាយឧត្ដមសេនីយ៍អគ្គស្នងការនគរបាលជាតិ និងផែនការលេខ ០០២/២៦ របស់គណៈបញ្ជាការឯកភាពរដ្ឋបាលខេត្ត ស្តីពីការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)៕
