ខេត្តកណ្ដាល៖ នាថ្ងៃចន្ទទី១០ ខែសីហា ឆ្នាំ២០២៦នេះលោក នូ សុវណ្ណរិទ្ធ អភិបាលស្រុកអង្គស្នួល បានអញ្ជើញចុះត្រួតពិនិត្យ និងសំណេះសំណាលជាមួយប្រជាពលរដ្ឋ ដែលមកទទួលបណ្ណកម្មសិទ្ធិដីធ្លី នៅការិយាល័យរៀបចំដែនដី នគរូបនីយកម្ម សំណង់ និងភូមិបាល ស្រុកអង្គស្នួល។
ក្នុងឱកាសនេះលោកអភិបាលស្រុកបានសួរសុខទុក្ខ និងស្តាប់មតិពីប្រជាពលរដ្ឋ ព្រមទាំងពិនិត្យដំណើរការផ្តល់សេវា ដើម្បីធានាថា ប្រជាពលរដ្ឋទទួលបានសេវារដ្ឋបាលប្រកបដោយភាពងាយស្រួល និងមានប្រសិទ្ធភាព ,ការចុះជួបផ្ទាល់ពីថ្នាក់ដឹកនាំ ត្រូវបានចាត់ទុកថា ជាសកម្មភាពមួយដែលបង្ហាញពីការយកចិត្តទុកដាក់ចំពោះសុខទុក្ខ និងតម្រូវការរបស់ប្រជាពលរដ្ឋនៅមូលដ្ឋាន៕ដោយ៖ សិរី នាគ
