ខេត្តកំពង់ចាម៖ នារសៀលថ្ងៃអាទិត្យ ទី២៣ ខែសីហា ឆ្នាំ២០២៦ ឯកឧត្តម ស៊ុយ ជីហ៊ាង សមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល អនុប្រធានក្រុមការងារគណបក្សចុះជួយស្រុក និងជាប្រធានក្រុមការងារចុះមូលដ្ឋានឃុំតាំងក្រាំង បានអញ្ជើញចូលរួមជាគណៈអធិបតីប្រារពពិធីអបអរសាទរ ដាក់ឲ្យប្រើប្រាស់អគារទីស្នាក់ការគណបក្សប្រជាជនកម្ពុជា ឃុំតាំងក្រាំង និងពិធីបញ្ចូលសមាជិកបក្សថ្មីចំនួន ១ ១៣៤នាក់ ជាសមាជិកគណបក្សប្រជាជនកម្ពុជាគណបក្សមូលដា្ឋនឃុំតាំងក្រាំង ស្រុកបាធាយ ខេត្តកំពង់ចាម ក្រោមអធិបតីភាពដ៍ខ្ពង់ខ្ពស់ ឯកឧត្តម លន់ សុផាត សមាជិកគណៈកម្មាធិការកណ្ដាល គណបក្សប្រជាជនកម្ពុជា អនុប្រធានក្រុមការងារគណបក្សចុះជួយខេត្តកំពង់ចាម និងជាប្រធានក្រុមការងារគណបក្សស្រុកបាធាយ ខេត្តកំពង់ចាម។
ក្នុងពិធីនេះមានការអញ្ជើញចូលរួមអមដំណើរពី ឯកឧត្តមបណ្ឌិត ឃន ជឺ អនុប្រធានក្រុមការងារគណបក្សចុះជួយឃុំតាំងក្រាំង ព្រមទាំង ឯកឧត្តម លោកជំទាវ លោក-លោកស្រី ជាអនុប្រធាន និង សមាជិក-សមាជិការ គណបក្សជាច្រើននាក់ទៀត។
នាឱកាសនោះដែរ ឯកឧត្តមគណៈអធិបតីក៏បានផ្តល់ជូនសម្ភារៈ និងថវិកាមួយចំនួនដល់សមាជិកអចិន្ត្រៃយ៍គណបក្សប្រជាជនកម្ពុជាឃុំ, យុវជនគណបក្សប្រជាជនកម្ពុជាឃុំ, តំណាងប្រជាការពារ និងប៉ុស្តិ៍នគបាលរដ្ឋាបាល ព្រមទាំងសមាជិក សមាជិកាគណបក្សប្រជាជនកម្ពុជា ដែលត្រូវប្រកាសបញ្ចូលចំនួន ១ ១៣៤រូបផងដែរ៕SRN
