ខេត្តកំពង់ចាម៖ ឯកឧត្តមបណ្ឌិត ឃន ជឺ អនុប្រធានក្រុមការងារចុះមូលដ្ឋានឃុំតាំងក្រាំង និងជាប្រធានក្រុមការងារទទួលបន្ទុកភូមិជើងឆ្នុក តំណាងឯកឧត្តម ស៊ុយ ជីហ៊ាង សមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល អនុប្រធានក្រុមការងារគណបក្សចុះជួយស្រុកបាធាយ និងជាប្រធានក្រុមការងារចុះមូលដ្ឋានឃុំតាំងក្រាំង រួមជាមួយសមាជិក នៃក្រុមការងារ បានអញ្ជើញចូលរួមប្រជុំផ្សព្វផ្សាយរបាយការណ៍ស្តីពីសភាពការណ៍ទូទៅគណបក្សឆ្មាំ២០២៥ ទិសដៅភារកិច្ចឆ្នាំ២០២៦របស់គណៈកម្មាធិការកណ្តាល ក្រោមអធិបតីភាព ឯកឧត្តម មាស វិរិទ្ធ សមាជិកគណៈកម្មាធិកាកណ្តាលគណបក្សប្រជាជនកម្ពុជា និងជាអនុប្រធានក្រុមការងារចុះមូលដ្ឋានខេត្តកំពង់ចាម។
ក្នុងឱកាសនោះ ក៏មានការអញ្ជើញចូលរួមពី ឯកឧត្តម ងួន សុជាតិ អ្នកតំណាងរាស្ត្រមណ្ឌលកំពង់ចាម និងជាប្រធានក្រុមការងារគណបក្សចុះមូលដ្ឋានឃុំសណ្តែក រួមជាមួយឯកឧត្តមជាប្រធានក្រុមការងារចុះមូលដ្ឋានឃុំទាំង១២ នៃស្រុកបាធាយ និងលោក អួត ឈាងលី ប្រធាន អនុប្រធានគណៈកម្មាធិការគណបក្សស្រុកបាធាយ ខេត្តកំពង់ចាមផងដែរ នាថ្ងៃអាទិត្យ ១៣រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៥ ខែកុម្ភៈ ឆ្នាំ២០២៦។
