នៅចំពោះមុខក្រុមប្រឹក្សាសិទ្ធិមនុស្ស UN, កម្ពុជាទាមទារឱ្យថៃ ដកកម្លាំងរបស់ខ្លួនទាំងអស់ចេញពីទឹកដីកម្ពុជា

ជាមួយជំហរយ៉ាងម៉ឺងម៉ាត់ នៅចំពោះមុខក្រុមប្រឹក្សាសិទ្ធិមនុស្សអង្គការសហប្រជាជាតិ នៅទីក្រុងហ្សឺណែវ ប្រទេសស្វីស នៅថ្ងៃទី២៤ ខែកុម្ភៈនេះ, លោកឧបនាយករដ្ឋមន្ត្រី ប្រាក់ សុខុន រដ្ឋមន្រ្តីការបរទេសកម្ពុជា បានគូសបញ្ជាក់ថា កម្ពុជាទាមទារឱ្យភាគីថៃ គោរពឱ្យបានពេញលេញ និងអនុវត្តដោយភាពស្មោះត្រង់ចំពោះកិច្ចព្រមព្រៀងដែលមានស្រាប់រវាងប្រទេសទាំងពីរ, ដកកងកម្លាំងរបស់ខ្លួនចេញពីទឹកដីកម្ពុជា និងដោះស្រាយជម្លោះដោយសន្តិវិធី ស្របតាមច្បាប់អន្តរជាតិនិងច្បាប់មនុស្សធម៌អន្តរជាតិ៕